ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សាលារាជធានីភ្នំពេញណែនាំពលរដ្ឋបោសសម្អាត និងចងទង់ជាតិនៅមុខផ្ទះ ដើម្បីត្រៀមស្វាគមន៍ភ្ញៀវចូលរួមកិច្ចប្រជុំកំពូលអាស៊ាន

  • ចុះផ្សាយថ្ងៃទី២៤ ខែតុលា ឆ្នាំ២០២២ ម៉ោង ១៤:៥៨ នាទី ដោយ Sao SokEng
  • 1459
  Aa |   aA

ភ្នំពេញ៖ រដ្ឋបាលរាជធានីភ្នំពេញណែនាំពលរដ្ឋនៅរាជធានីភ្នំពេញចូលរួមថែរក្សាសោភ័ណភាព អនាម័យបរិស្ថាន របៀបរៀបរយសាធារណៈ នៅតាមមុខផ្ទះ និងតាមដងផ្លូវសាធារណៈ ដើម្បីត្រៀមស្វាគមន៍នូវដំណើររបស់គណៈប្រតិភូជាន់ខ្ពស់នៃបណ្តាប្រទេសនានាចូលរួមកិច្ចប្រជុំកំពូលអាស៊ានលើកទី៤០-៤១ និងកិច្ចប្រជុំកំពូលពាក់ព័ន្ធនានាដែលប្រព្រឹត្តទៅចាប់ពីថ្ងៃទី១០-១៣ ខែវិច្ឆិកា ឆ្នាំ២០២២ ខាងមុខនេះ។

ដើម្បីធ្វើឱ្យកិច្ចប្រជុំដ៏ធំដែលឆ្នាំនេះកម្ពុជាធ្វើការម្ចាស់ផ្ទះ ប្រព្រឹត្តទៅដោយរលូន និងទទួលបានជោគជ័យ រដ្ឋបាលរាជធានីភ្នំពេញបានណែនាំពលរដ្ឋបោសសម្អាតទីធ្លាមុខផ្ទះឲ្យបានស្អាតបាត ត្រូវប្រមូល និងវេចខ្ចប់សំរាមឱ្យបានត្រឹមត្រូវ។ ជាពិសេសត្រូវរៀបចំដាក់ដងទង់ជាតិ និងចងទង់ជាតិនៅមុខផ្ទះឱ្យបានត្រឹមត្រូវដើម្បីបង្ហាញអត្តសញ្ញាណជាតិក្នុងការលើកកម្ពស់កិត្យានុភាពជាតិសក្តិសមជាប្រជាជាតិមួយដែលមានវប្បធម៌ និងប្រពៃណីជាតិដ៏ផូរផង់។

សម្រាប់ពលរដ្ឋជាម្ចាស់ទីតាំងដីទំនេរ និងម្ចាស់ការដ្ឋានសំណង់នានាដែលស្ថិតនៅអមតាមដងផ្លូវសាធារណៈ ក៏ត្រូវធ្វើរបងបិទបាំងនៅមុខទីតាំងដីទំនេរ និងរបងហ៊ុព័ទ្ធការដ្ឋានរបស់ខ្លួន ដោយត្រូវកែលម្អឱ្យមានសោភ័ណភាព របៀបរៀបរយ និងអនាម័យបរិស្ថានឱ្យបានល្អប្រសើរ។ ជាមួយគ្នានេះម្ចាស់ការដ្ឋានសំណង់នានាទាំងអស់ ត្រូវផ្អាកការងារសាងសង់ជាបណ្តោះអាសន្ននៅក្នុងអំឡុងពេលដែលគណៈប្រតិភូជាន់ខ្ពស់ជាតិ និងអន្តរជាតិធ្វើដំណើរឆ្លងកាត់។

រដ្ឋបាលរាជធានីភ្នំពេញ សូមការយោគយល់អធ្យាស្រ័យ និងសូមអភ័យទោសទុកជាមុនដល់ពលរដ្ឋធ្វើដំណើរតាមដងផ្លូវក្នុងរាជធានីភ្នំពេញចំពោះការរំខាន និងកកស្ទះតាមដងផ្លូវមួយចំនួនដោយសារអាជ្ញាធរត្រូវការពារសន្តិសុខ សុវត្ថិភាព និងសណ្តាប់ធ្នាប់ជូនដល់គណៈប្រតិភូជាន់ខ្ពស់ជាតិ និងអន្តរជាតិដែលនឹងអញ្ជើញមកកម្ពុជា។

កងកម្លាំងរាជអាវុធហត្ថ និងអាជ្ញាធរក្រុងភ្នំពេញជាច្រើនរូប នឹងត្រូវដាក់ពង្រាយនៅតាមដងផ្លូវក្នុងរាជធានីភ្នំពេញដើម្បីត្រៀមការងារសន្តិសុខ សុវត្ថិភាព និងសណ្តាប់ធ្នាប់សាធារណៈក្នុងកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនានានៅដើមខែវិច្ឆិកាខាងមុខនេះ។

ជាមួយគ្នានេះ រដ្ឋបាលរាជធានីភ្នំពេញក៏បាន និងកំពុងតែជួសជុលផ្លូវសំខាន់ៗមួយចំនួននៅរាជធានីភ្នំពេញ ដោយក្រាល និងអ៊ុតកៅស៊ូថ្មីផងដែរ៕ 


ព័ត៌មានជាច្រើនទៀតសម្រាប់អ្នក